(Paki summarize po lto)

Mga Usapin Ng Pabahay

Ang kawalan ng maayos na tahanang masisilungan ng isang pamilya ay isang suliraning matagal ng kinahaharap sa buong mundo. Sumasalamin ito mukha ng kahirapan na hindi madaling solusyunan dahil sa maraming kadahilanan katulad ng kawalan ng inisyatibo buhat sa pamahalaan, kawalang ng disiplina sa bahagi ng mga maralita na magsagawa ng paraan upang maiahon ang kanilang mga sarili sa totoong kahirapan.

Sa tala ng Global Homeless Statistics, nasa apatnapu't apat na bahagdan ng mga Pilipino ang nananatiling walang maayos na tirahan ang matatagpuan sa Metro Manila (https://www.veritas846.ph/lokal-na-pamahalaan-solusyon-sa problema-sa-pabahay/).

Bagamat may mga inisyatibo ang pamahalaan na magbigay ng mga libreng Pabahay sa mga walang masisilungan, ang mga inisyatibong ito ay hindi Nagiging ligtas sa kontrobersiya. Ang paliwanag ng nakararami, hindi sapat naA pagbibigay ng pamahalaan ng masisilungan ng mga maralita. Ang kanilang Kailangan ay disenteng tahanan na may naaangkop na mapagkukunan ng Kanilang mga pangunahing pangangailangan para mabuhay ng marangal katulad Ng malinis na tubig, kuryente, at ang distansya o lapit sa lugar kung saan sila Naghahanapbuhay.

Tinalakay sa ulat ni Moratillo (2017) ang pagtingin ng Chairman ng House Committee on Housing and Urban Development sa kahalagahan ng pagsangguni Sa mga benepisyaryo ng proyektong pabahay ng gobyerno upang malaman ang tumutugma sa mga pangangailangan at panlasa ng mga ito. Ang konsultasyon o pagsangguni ay mahalaga upang hindi masayang ang paglalaan ng pondo ng Pamahalaan sa mga proyektong kanilang ginagawa. Ayon kay Benitez, sa ulat Pa rin Moratillo ang balakin ng kongreso na higpitan ang pagsasakatuparan ng Kanilang oversight na tungkulin upang makasigurado na hindi nauuwi sa wala Ang pondong inilalaan sa pabahay sa ilalim ng pambansang pondo o national Budget.

Ang ahensya ng pamahalaan na namamahala sa mga inisyatibong pabahay Ng pamahalaan ay ang National Housing Authority. Ito ay binuo noong ika-31 Ng Hulyo, 1975 sa ilalim ng hurisdiksyon ng pamahalaan. Itinatag ang National Housing Authority bilang pagmamay-ari ng pamahalaan at kontroladong Korporasyon sa ilalim ng Housing and Urban Development Coordinating Council Bilang kabit na ahensya.